ألعاب للسهرة، للأهل والأصحاب

حدا جاوب بثقة زيادة؟اسألوه: أكيد؟

لعبتين بيقلبوا القعدة: أسئلة بفريقين، كل نقطة فيها بدها نقاش. ومافيا بقصّتين وراوي، بتكشف مين أشطر كذّاب فيكم.

أول لعبة عليناوألعاب جديدة عالطريق
اللعبتين

عالطاولة لعبتين.

وحدة بتكشف مين بيعرف. ووحدة بتكشف مين بيكذب.

علبة أكيد؟

أكيد؟

أسئلةفريقينلوح نقاط

علبة أسئلة من كل الفئات. فريقين ولوح، وكل جواب عليه نقاط… وعليه نقاش.

كيف بتنلعب ↓
كروت مافيا

مافيا

ليلأدوار بالسرّراوي

كل واحد معه كرت، وكل كرت معه سرّ. بالليل حدا بيختفي، وبالنهار الكل بيتّهم الكل.

كيف بتنلعب ↓
علبة لسّا مسكّرة

والجاي عم ينطبخ.

قريباً

عم نشتغل على ألعاب جديدة للقعدة. شو هي؟ خلّوها مفاجأة.

اللعبة الأولىأكيد؟

كل فريق بيختار ملعبه… وبيحرق ملعب التاني.

فريقين قدّام لوح واحد، وعليه فئات من كل الألوان: كرة قدم، طرب، فضاء، ألغاز، وغيرها كثير. الجواب الصح بيجيب نقاط، والغلط بيفتح الباب للسرقة.

آلاف الأسئلة،

وكل أسبوع فئات وأسئلة جديدة.

العلبة ما بتوقف تكبر.

  1. 1

    اختاروا الفئات

    بالدور، كل فريق بياخد فئة على اللوح لحد ما يكمل. ومش فارقة معكم؟ خلّوا اللعبة تختار عنكم.

    لوح الفئات في أكيد؟، وعليه النقاط
  2. 2

    سؤال، ونقاطه عليه

    صاحب الدور بيختار مربّع من اللوح. كل ما كبرت النقاط صعب السؤال، والساعة ما بتستنى حدا.

    سؤال من فئة فضاء وعلوم، والساعة ماشية
  3. 3

    إلكم حيل… وإلهم نفسها

    احرقوا فئة شايفينهم مرتاحين فيها. احفروا لهم، فجوابكم الصح بينخصم من نقاطهم. قولوا جوابين بدل واحد. وصفّوا الشاطر تبعهم عجنب، ممنوع يجاوب. كل حيلة مرّة وحدة باللعبة، فاختاروا وقتها.

  4. 4

    كشف الجواب

    بتكشفوا الجواب، وبتقرّروا مين جاوب صح. التلميحات بتساعد بس بتنزّل النقاط، وإذا صاحب الدور غلط، الفريق التاني بيسرق السؤال بنص النقاط.

    الجواب انكشف، والسؤال: مين جاوب صح؟

وبالآخر، الفريق اللي بيجمع أكثر بيضل يحكي فيها لآخر السهرة.

أصحاب قاعدين قدّام التلفزيون، وعليه لوح أكيد؟

والصالة كبيرة؟

اعرضوا اللعبة على التلفزيون بمحاكاة الشاشة عالآيفون، أو Cast عالأندرويد. ما في إشي تنزّلوه عالتلفزيون، بس خلّوهم على نفس الواي فاي.

اسرقوها! اسرقوها!لا لا، أنا قلتها قبلك!احرقوا الكورة، هدول حافظينها.والله مش أنا المافيا.يا هاي يا هاي!طيب ليش سكتّ هلّق؟مين جاوب صح؟
القعدة

هيك بتصير القعدة.

ما في حدا بيتفرّج من برّا. فريقين بيصيحوا عاللوح، وطاولة كاملة بتشكّ ببعضها لمّا ينزل الليل.

اللعبة التانية

مافيا

والليل؟ الليل إله لعبة تانية.

كرت المواطن
كرت الحكيم
كرت العرّاب
كرت المخبر
ظهر الكرت
علبة كروت مافيا

كل واحد بياخد كرت بالسرّ. في منكم من العيلة، والباقي أهل المدينة. وما حدا بيعرف مين مين… لسّا.

1

اختاروا القصّة.

الليلة العرّاب: المدينة إلها عيلة… والعيلة قاعدة معكم عالطاولة.

شاشة العرّاب الأولى
2

جهّزوا الطاولة.

قدّيش قاعدين؟ من 6 لـ 14 لاعب، والكروت بتتوزّع على قدّكم.

جهّزوا الطاولة: عدد اللاعبين والكروت
3

كل واحد بيشوف كرته.

وبيخبّيه. العرّاب، المخبر، الحكيم… أو مواطن ما معه إلا صوته.

كرت الدور: العرّاب
4

صار الليل.

غمّضوا عيونكم… كلكم. الراوي بيحكي والعيلة بتختار، وما حدا بيقعد برّا اللعبة ليدير الجولة.

صار الليل
5

الصبح، الكل بيتلفّت.

احكوا، اتّهموا، دافعوا. الساعة بتعدّ، وكل الأصابع بتأشّر على واحد:

النهار: الساعة والنقاشأكيد هو؟
القصص

قصّتين، ولكل قصّة ليلها.

العرّاب

العرّاب

المدينة إلها عيلة… والعيلة قاعدة معكم.

عيلة ماسكة المدينة، وعرّاب ما حدا شافه. قدّامهم مخبر وحكيم، وأهل مدينة ما بدهم إلا يصبحوا عايشين.

الضبع

الضبع

حوالين النار رجال… وبعضهم، بالليل، ضباع.

بادية ونار وليل طويل. بين أهل المضارب في ضباع لابسين لبس الناس، وقصّاص أثر بيدوّر عليهم.

والليلة الجاية؟

قصص جديدة جاية كل شهر.

في قصص عم تنكتب هلّق. شو هي؟ بتعرفوها لمّا تنزل.

وين ما قعدتوا.

ما بدها ورق ولا قلم ولا تحضير. بس قعدة، وناس بتحب تغلب.

السهرة الجاية

الصينية جاهزة. ناقص بس إنتو.

لمّوا الشلّة، نزّلوا أكيد؟، وخلّوا السهرة الجاية تبلّش من أول سؤال.

والجاي عم ينطبخ: ألعاب جديدة عالطريق.